La transcription est:

Unßen vruntliken groth myt vormoge alles guden tovornn Erßame wyße hernn beßundernn guden frunde, Dewile
wy to hanthavinnge des guden kuntors to Brugge, vnde sustes gemenen, besten to gedye dem jungest vorlate na vnßer van Lubeck
vnde Hamborch secretarios erst an de Erßamen Juwe vnde vnße frunde van Dantzick, dar na Collen vnde Brunßwick
vorfertiget, de ock des benompten kuntors vnde anderer gelegenheit berichten laten vnde van denßuluen tor antwort erholden
dat ße to wedder vorhevinge des vilbenompten cuntors nicht allene behorliken den allen mogeliken vnde vnuordraten vlyt willen
vorwenden vnde to hantstreckinge dessulften sick nener moye kost vnlust vnde arbeydes vorfelen laten Ock angestelledenn
vnde bestenneden dach vngetwyuelt bynuen vnßer Stadt dorch ore radesßendebaden tolestende lofliken togesecht vnde gelaueth
dergeliken na vormoge bygelegener vnde orer dordendele henße Steder Radesßendebaden darßuluest to erschynende beforderen
laten